ZEREGINA UROLA IKASTOLA AZKOITIA-AZPEITIA BHI ikastetxearen zeregina geure inguruko (Urola bailarako) gaur egungo eta etorkizuneko formazio behar guztiei erantzutea da, ikasleari bere ahalmenen garapen progresiboan eta aniztasunean oinarritzen den heziketa, bai arlo akademikoan eta bai bere izaera osoan, emanez, euskal kultura eta hizkuntza normalizazioa bultzatuz eta pertsonen arteko harreman integratzaileak bideratuz, gure herrian, jarrera baikorrez txerta dadin.

Ondorengo hauek izango dira gure Erakunde Baloreak :

1.  Euskara eta euskal kulturaren aurrerakuntza bultzatzen duen erakundea gara eta ingurune eleanitz eta kulturanitza integratzen duena.

2.  Ikaslea da bere osotasunean gure hezkuntza prozesuaren funtsezko helburua.

3. Erakunde pluralista, irekia, hezkidetzailea, ez diskriminatzailea eta balore demokratikoen bultzatzailea gara.

4. Estamentu guztien -guraso, ikasle, irakasle, ez-irakasle- partaidetza aktiboa eragile izango da gure funtzionamenduan.

5. Komunikazio on baten bitartezko maila guztietako gestio gardentasunak gidatuko du gure ekintza.

6. Taldelana eta zentroen arteko koordinazioa -bai zeharkakoa eta bai goitik beherakoa izango dira gure ekintzaren ardatz.

7. Etengabeko hobekuntzan oinarritutako berrikuntza pedagogikoa izango da gure ikastetxeetako zutarri.

8. Bailarara irekia, inguruko erakundeekiko harreman eta kolaborazio hestuan ari den erakundea gara,

Hasierako nahiz Etengabeko Ikaskuntzan maila guztietako formazio beharrei erantzuna emanez.

Ondorengo Estrategiak landuko ditugu:

1.  Eskaintza akademiko anitza bideratzea, ikasleen zaletasun eta behar desberdinak kontutan hartuz eta gaur egungo eta etorkizuneko gizartearen eskaerei erantzunez.

2.  Eskola komunitateko kide guztien arteko harremanak eta elkarlana hobetzea, euren asmoak eta kezkak jasoz eta praktikan gauzatuz, Hezkuntza Proiektuan sinets dezaten.

3.  Bailarako hutsune eta beharrak detektatzea eta hauei erantzutea, inguruko erakundeekin eta enpresekin harremanak sendotuz eta, denon artean, sortzen diren iradokizun eta eskaerei erantzuna emanaz.

4.  Pertsonak eta baliabide materialak, teknologikoak, fisikoak eta ekonomikoak garatzea, eguneroko jardueran optimizaziozko irizpidez erabiliz eta hobetuz.

5. Pertsonalaren formazioa benetako beharretan, gelan aplikatzeko prozeduretan, metodologia egokienetan eta etengabeko eguneratze eta hobekuntzan oinarritzea.

6. Etapa eta maila guztien arteko koordinazioa burutzea, prozesuen ebaluazioan eta hobekuntza etengabean oinarrituz.

7. Zuzendaritza talde eraginkorrak garatzea, erakundearen kudeaketa erabateko kalitatearen kudeaketa ereduan, kultura eraikitzailean eta gardentasunean oinarrituz, estamentu guztien dinamika bultzatzeko